Kuri uyu wa mbere tariki ya 18/05/2026 Umuyobozi w'Akarere ka Gicumbi Bwana NZABONIMPA Emmanuel yakiriye itsinda ry'Abashyitsi baturutse mu Kigo cy'indangamuntu ( *NIDA ) bari bayobowe ba Bwana Manzi Yves, bakaba baje guhugura abakozi ku Karere n'abo mu mirenge igize Akarere bafite aho bahurira n'irangamimerere muri rusange.

Baganirijwe ku ndangamuntu koranabuhanga aho batangiye igikorwa cyo gufotora abaturage mu Turere kugira ngo bazayihabwe.
Ni amahugurwa yahawe Abanyamabanga Nshingwabikorwa b'Imirenge, abakozi bashinzwe irangamimerere mu mirenge, ba SEDO,Umukozi ushinzwe imiyoborere myiza wari uhagarariye Ishami, n'umukozi ushinzwe ibarurishamibare mu Karere.
Baganirijwe ku myiteguro muri iki gikorwa giteganyijwe mu Karere kuwa 23/6/2026 basabwa uruhare rwabo mu kunoza ibikenewe no kugira ngo iki gikorwa kizagende neza.

Umuyobozi w'Akarere ka Gicumbi yabijeje ubufatanye buseseye muri iki gikorwa cy'ingirakamaro.